ऊधौ हमहिं कहा समुझावहु -सूरदास

सूरसागर

दशम स्कन्ध

राग केदारौ ऊधौ हमहिं कहा समुझावहु। पसु पंछी सुरभी ब्रज कौ सब, देखि स्रवन सुनि आवहु।। बिन न चरत गो, पिवत न सुत पय, ढूँढत वन बन डोलै। अलि कोकिल दै आदि विहगम, भाँति भयानक बोलै।। जमुना भई स्याम स्यामहिं बिनु, इंदु छीन छय रोगी। तरुवर पत्र बसन न सँभारत, विरह बृच्छ भए जोगी।। गोकुल के सब लोग दुखित है, नीर बिना ज्यौ मीन। 'सूरदास' प्रभु प्रान न छूटत, अवधि आस मैं लीन।।3798।।